Ստեղծագործու՞մ ես, գրում կամ թարգմանում բանաստեղծություննե՞ր, բայց երբեք չե՞ս հրատարակվել կամ կարդացել լսարանի համար:
Արդեն հրատարակված կամ ճանաչված բանաստե՞ղծ ես, ումից ընթերցողը կուզենար լսել քո սիրելի ստեղծագործությունը քո իսկ կատարմամբ:
Հունվարի 23-ին՝ 19:00, «Զանգակ» գրատան Աբովյան մասնաճյուղում տեղի կունենա «Խոսուն պոեզիա» միջոցառումը, որտեղ թե կայացած բանաստեղծները, թե իրենց առաջին փորձերը կատարող ստեղծագործողները և թարգմանիչները կարող են ապահով և մտերմիկ մթնոլորտում ներկայացնել իրենց գործերը: Հարթակը նախատեսված է խրախուսելու ու հնարավորություն տալու ստեղծագործող երիտասարդներին:
Միջոցառման հատուկ հյուր` «Կապույտ տանիքներ» և «Վազում եմ, սպասիր... » ժողովածուների հեղինակ արցախցի բանաստեղծուհի Հերմինե Ավագյան: Նախատեսվում է նաև երաժշտական համար:
Մասնակցության համար կարող եք գրանցվել հետևյալ հղումով՝ մինչև հունվարի 20-ը. Յուրաքանչյուր մասնակցի ելույթի տևողությունը մինչև 5րոպե, տեղերը սահմանափակ են:
Սիրելի հանդիսատես, մուտքը ազատ է, սիրով սպասում ենք, եկեք լսելու ձեր սիրելի բանաստեղծներին և բացահայտելու նորերին:
Հունվարի 23-ին` 19:00
Աբովյան 7` «Զանգակ» գրատուն
Մասնակցությունը` գրանցումով մինչև հունվարի 20-ը
Վերադառնալ