Դեկտեմբերի 19-ին «Զանգակ» գրատանը տեղի ունեցավ Հայաստանի Հանրապետության նախագահ Արմեն Սարգսյանի տիկին, մանկագիր Նունե Սարգսյանի «Կախարդական կոճակներ» գրքի շնորհանդեսը: Գիրքը տասնամյա Սադափ Դարզիի մասին է, ով փորձում է չար վհուկներից փրկել աշխարհն ու իր պապիկին, որը կախարդանքի արդյունքում կապույտ գույնի է դարձել:
Շնորհանդեսի ընթացքում ողջյունի խոսքով հանդես եկան «Զանգակ» հրատարակչության գործադիր տնօրեն Էմին Մկրտչյանը և հեքիաթագետ Ալվարդ Ջիվինայնը:
Շնորհանդեսի ընթացքում Նունե Սարգսյանը երեխաներ համար ընթերցեց մի հատված գրքից, զրուցեց նրանց հետ, քաջալերեց նրանց համտեսել կոճակների տեսքով թխվածքաբլիթները՝ նշելով, որ դրանք կախարդական են, և եթե փոքրիկներն ուտեն այն, կարող են բարի վհուկների վերածվել:
Լրագրողների հետ զրույցում Նունե Սարգսյանը նշեց, որ խորհրդանշական է գրքի շնորհանդեը այս օրերին անելը. Նոր տարին հրաշալի ընտանեկան ու բարեկամական տոն է, որին սպասում են ամբողջ տարվա ընթացքում, հատկապես երեխաները: Տոնն իր հետ բերում է հետաքրքիր համեր, վառ գույներ, ուրախություն, երաժշտություն և ինքը համոզված է, որ 2020 թվականը հաջող, առողջ ու երջանիկ տարի կլինի:
Վերադառնալ