Սեպտեմբերի 18-ին՝ ժամը 19:00-ին, սիրով հրավիրում ենք մասնակցելու Դանիել Քանեմանի ամենահայտնի՝ «ՄՏԱԾՈՂՈՒԹՅՈՒՆ․ ԱՐԱԳՆ ՈՒ ԴԱՆԴԱՂԸ» գրքի շնորհանդեսին։
Գիրքը բոլոր նրանց համար է, ովքեր ցանկանում են բացահայտել սեփական մտածողության սահմաններն ու հասնել ինքաճանաչման։
Ուշագրավ պատմություններով և հետաքրքրաշարժ գիտափորձերով լի այս գիրքը կօգնի ծանոթանալ մտածողության երկու «կերպարներին»՝ Արագ ինտուիտիվին և Դանդաղ տրամաբանականին։ Հենց նրանք են փոխլրացնում միմյանց, ձևավորում մեր դատողությունները և ազդում գործնական ու անձնական որոշումների վրա։
Շնորհանդեսի ընթացքում բանախոսները գրքից դիպուկ օրինակներով կներկայացնեն, թե գործնականում ինչպես են աշխատում մտածողության երկու ձևերը, և թե ինչպես կարելի է տարբերակել ու ըստ անհրաժեշտության ճի՛շտ կիրառել դրանք։
Միջոցառման բանախոսներն են՝ Արտեմ Գրիգորյանը՝ ԵՊԲՀ ախտաֆիզիոլոգիայի ամբիոնի վարիչ, բ․ գ․ թ․, Ավետիք Մեջլումյանը՝ «Հանրային քաղաքականության ինստիտուտ» ՀԿ-ի տնօրեն, փ․ գ․ թ․, և
«Մտածողություն․ Արագն ու Դանդաղը» գրքի թարգմանիչ Լիլիթ Հայրապետյանը:
Սեպտեմբերի 18՝ 19:00
Աբովյան 7, «Զանգակ» գրատուն
Մուտքն ազատ է։
Սիրով սպասում ենք բոլորին։
Վերադառնալ