Հե՜յ, փոքրիկ, մենք պատրաստել ենք քեզ համար ԻՍԿԱԿԱՆ տոն, որի անունն է ՄԱՆԿԱԿԱՆ ԳՐՔԻ ՓԱՌԱՏՈՆ:
Պատկերացնո՞ւմ ես՝ երեք օր շարունակ քեզ սպասելու են խաղեր, գրքի շնորհանդեսներ, վարպետության դասեր ու շատ-շա՜տ զվարճանք ու բարձր տրամադրություն։ Ու այս ամենն այնպես, ինչպես դու ես սիրում՝ բացօթյա, կանաչ ու ընդարձակ այգում, մրգերով, պաղպաղակով ու քաղցր բամբակով լի:
Չմոռանաս բերել նաև ծնողներիդ:
Սիրելի՛ ծնողներ, արդեն երկրորդ տարին է, «Զանգակ» գրատան կողմից Երևանի «Անգլիական» այգում հունիսի 1-ին, 2-ին և 3-ին կազմակերպվում է «Մանկական գրքի փառատոնը»։
Փառատոնը միայն ժամանցային նախաձեռնություն չէ, այն ունի մեծ կրթական, մշակութային և սոցիալական նշանակություն։
Մանկական գրքի փառատոնը տևելու է երեք օր, մենք պատրաստել ենք մեծ և հագեցած ծրագիր, որի մեջ զուգորդվելու են գրական իրադարձություններն ու ժամանցը, խաղային ծրագիրն ու թատերական ներկայացումները, մրցույթներն ու անակնկալները, և այդ ամբողջը՝ ջերմ և ուրախ մթնոլորտում:
Փառատոնի առանցքային նպատակը երեխաներին միավորելն է գրքերի շուրջ, ստեղծելը գրքային միջավայր, չէ որ ընթերցող երեխաները դառնում են մտածող մեծահասակներ։
➤ սպասված մանկապատանեկան գրքերի շնորհանդեսներ
➤ գրքերի ցուցադրություն-վաճառք
➤ հեքիաթի ժամեր
➤վարպետության դասեր
➤ զեղչեր
➤ և լավ տրամադրություն 3 օր անընդմեջ

Ծրագիր

ՀՈՒՆԻՍԻ 1-3
ԱՆԳԼԻԱԿԱՆ ԱՅԳԻ
12։00-20։00