Ապրիլի 8-ին «Զանգակ» գրատան Աբովյան մասնաճյուղում տեղի ունեցավ սոցիոլոգ, մարքեթինգային հաղորդակցությունների առաջատար մասնագետ Լիլիթ Շաքարյանի «Բրենդի կառավարում» բրենդինգի ոլորտում առաջին հայալեզու մասնագիտական գրքի
շնորհանդեսը։
Շնորհանդեսի ընթացքում հեղինակը ներկայացրեց գրքի կարևոր դրույթները, դրա ստեղծման պատմությունը, պատասխանեց ներկաների հարցերին:
Գրքում ներկայացվում են բրենդ հայեցակարգի առանցքային յուրահատկություններն ու կառուցվածքը,
ծագման պատմական նախադրյալներն ու զարգացման ընթացքը, ինչպես նաև բրենդի ճարտարապետության
կառուցման տեխնոլոգիաներն ու կառավարման ուղիները:
Գիրքը նախատեսված է սոցիոլոգիայի, տնտեսագիտության, ժուռնալիստիկայի ֆակուլտետների
ուսանողների ու նշված կամ հարակից բնագավառներում առարկաներ դասավանդող դասախոսների համար,
ինչպես նաև՝ բիզնես խորհրդատվության, մարքեթինգի, բրենդինգի, PR տեխնոլոգիաների բնագավառի
մասնագետների համար:
Վերադառնալ