Տարվա ընթացքում «Ազատ Միտք» դպրոցի սաները անցել են ստեղծագործական բացառիկ ճանապարհ՝ գաղափարից մինչև իրական գիրք։ Նրանք հորինել են պատմություններ, ստեղծել հերոսներ ու աշխարհներ, գրել տեքստեր, նկարազարդել իրենց ստեղծագործությունները և նույնիսկ ձեռքով մշակել գրքերի տառատեսակները՝ յուրաքանչյուր գիրք դարձնելով ամբողջական հեղինակային աշխատանք։
Դպրոցի մենթորների և ուսուցիչների ուղեկցությամբ երեխաների մտահղացումները վերածվել են իրական գրքերի՝ յուրահատուկ ստեղծագործությունների, որոնց յուրաքանչյուր էջում արտացոլված են երևակայությունը, համառ աշխատանքը և ստեղծագործական ազատությունը։
Շնորհանդեսին կներկայացվեն ամենատարբեր ժանրերի գրքեր՝ մանգայից և այլընտրանքային տիեզերքների մասին պատմություններից մինչև դետեկտիվ վեպեր, բանաստեղծական ժողովածուներ և ֆանտաստիկ արկածներ։ Յուրաքանչյուր գիրք իր հեղինակի անհատական աշխարհայացքի արտահայտությունն է և վկայում է այն մասին, թե որքան լայն ու անսահման կարող է լինել մանկական ստեղծագործական միտքը։
Սիրով հրավիրում ենք ձեզ ներկա գտնվելու շնորհանդեսին, ծանոթանալու երիտասարդ հեղինակների աշխատանքներին և դառնալու մանկական գրականության, արվեստի և երևակայության այս յուրահատուկ տոնի մասնակիցը։
Վերադառնալ