Արևոտ խոհարարը

Դեկտեմբերի 4-ին՝ 13։00, «Զանգակ» գրատան Աբովյան մասնաճյուղում տեղի կունենա «Արևոտ խոհարարը» մանկական գրքի ինտերակտիվ քննարկումը։
 ____
ԳՐՔԻ ՄԱՍԻՆ
«Արևոտ խոհարարը» իրական պատմության հիման վրա գրված պատկերազարդ պատմություն է 3 տ․-ից բարձր երեխաների համար։ Այն պատմում է Դաունի համախտանիշով տղայի՝ Արեգակ փուռ-սրճարանում աշխատող Հովհաննեսի մասին: Հովհաննեսը շատ ընկերասեր է և սիրում է գրկախառնություններ, սակայն ծաղրի է ենթարկվում այլ երեխաների կողմից, իսկ դպրոցի ուսուցիչները չեն ուզում տեսնել նրան իրենց դասարանում։ Բայց մի օր նրանց ընտանիքի բարեկամը տանում է տղային մի կենտրոն, որտեղ Հովհաննեսը հանդիպում է իր նման` մյուսներից տարբերվող երիտասարդների, ձեռք է բերում բազմաթիվ ընկերներ և մասնագիտություն: Նա նաև սկսում է երազել՝ դառնալ խոհարար։ Հովհաննեսն այժմ աշխատում է Արեգակ փուռ-սրճարանում։ Գրքի հեղինակը Գայանե Աղաբալյանն է, ով Հայաստանի ամերիկյան համալսարանի շրջանավարտ է:

ԲԱՆԱԽՈՍՆԵՐ
Արևիկ Աշխարոյան, ԱՐԻ գրականության հիմնադրամի տնօրեն
Գայանե Աղաբալյան, գրքի հեղինակ
Արմինե Ավագյան, Արմավ զարգացման կենտրոնի հիմնադիր, լոգոպեդ-հոգեբան
Լուսինե Սիմոնյան, Մանկական զարգացման հիմնադրամի տնօրեն
 ____
ՄԻՋՈՑԱՌՄԱՆ ՄԱՍԻՆ
Դեկտեմբերի 4՝ 13։00
Հասցե՝ Աբովյան 7, «Զանգակ» գրատուն։
Կազմակերպիչներ՝ ARI Literature Foundation,  «Էջ» հրատարակչություն, «Զանգակ» գրատուն
Մուտքը՝ գրանցումով։