«Ամառային ընթերցանություն» նախագծի մեկնարկ

Սիրելի՛ ծնողներ ու փոքրիկներ, «Ամառային ընթերցանությունը» մեկնարկում է 10-րդ անգամ։
«Ամառային ընթերցանությունը» շա՜տ հետաքրքիր ու դինամիկ ծրագիր է, որը ստեղծված է ձեր ամառն ավելի ուրախ ու բովանդակալից դարձնելու համար։
Հունիսի 1-ին՝ ժամը 14։00-ին, Անգլիական այգում կհայտարարենք ուրախ գրքամառվա մեկնարկի մասին ու կսկսվի իրական զվարճանքը՝ գրական միջոցառումներ, քննարկումներ, հետաքրքիր հյուրեր ու շատ անակնկալներ են սպասվում ամռան ամիսներին։ «Զանգակ» հրատարակչության գործընկեր գրախանութներում ձեզ կսպասեն նաև «Ամառային ընթերցանության» ուրախ գրատնակները։ Ձեր գնած մեկ գիրքը երեք ամսվա ընթացքում գրատնակներում կարող եք անվճար փոխանակել բազմաթիվ այլ գրքերի հետ ու վերջում ձեզ մոտ պահել ամենասիրելի գիրքը։
____
ՄԻՋՈՑԱՌՄԱՆ ՄԱՍԻՆ
► Միջոցառումն իրականացվում է Մանկական գրքի փառատոնի շրջանակում։
► Հունիսի 1՝ 14։00
► Անգլիական այգի
► Մուտքն ազատ է։