Աֆղանական ծագմամբ ամերիկացի գրող Խալեդ Հոսեյնիի «Օդապարուկ թռցնողը», «Հազար չքնաղ արևներ» և «Եվ արձագանքեցին լեռները» սիրված միջազգային բեսթսելերներ են, ընդունվել և լայն տարածում են ստացել նաև հայաստանցի գրքասերների շրջանակում։ Հոսեյնիական աշխարհը՝ լի նվիրման, անգթության, վերադարձի, հայրենի երկրի դժնդակ պատմության ու մշակույթի երանգներով այսօր դարձել է համաշխարհային ԶԼՄ-ների և աֆղանական ներքին բարդ կարգավիճակով կարեկցողների համար ամենասուր և հուզիչ քննարկման թեմաներից։
«Զանգակ» հրատարակչության թարգմանությամբ աֆղանական ամենակարևոր ու քննարկելի վեպերը վերաիմաստավորելու համար սիրով հրավիրում ենք բոլորին սեպտեմբերի 9-ին, երեկոյան ժամը 7-ին «Զանգակ» գրատան Աբովյան 7 հասցեում գտնվող մասնաճյուղ՝ գրականագետ և խմբագիր Հայկ Համբարձումյանի և «Օդապարուկ թռցնողը» և«Հազար չքնաղ արևներ» գրքի թարգմանիչ Մարիա Սադոյանի հետ բաց հանդիպում-քննարկմանը։
Վերադառնալ