Երբ վերադառնում էի տուն, հայացքս ընկավ ինձանից առաջ քայլող ստվերիս․ այդպես ես տեսնում էի նախորդ պատերազմի ստվերը ներկայի հետևում։ Տարիներ ի վեր այդ ստվերը չի հեռացել ինձանից․ այն փաթաթվել է իմ բոլոր մտքերին գիշեր-ցերեկ․ նրա մութ դրոշմը գուցե ընկած է այս գրքի որոշ էջերին։ Բայց յուրաքանչյուր ստվեր, ի վերջո, նույնպես լույսի ծնունդ է, և ով ճանաչել է լուսավորն ու մթինը , պատերազմն ու խաղաղությունը, վերելքն ու անկումը, միայն նա է իսկապես ապրել։