«Փոքրիկ կանայք» վեպը 19-րդ դարի ամերիկյան գրականության լավագույն նմուշներից է: Վեպի հիմքում հեղինակի հիշողություններն են՝ քաղաքացիական պատերազմի օրերից (1861-1865թթ., ԱՄՆ): Սա պատմություն է չորս քույրերի մասին, որոնք տարբեր են բնավորությամբ, սակայն միմյանց լրացնում են՝ ինչպես գույները միևնույն նկարում: Ջոն համառ է ու վառ բնավորության տեր, տան հենասյունն ու շարժիչ ուժը: Մեգը՝ մեղմ ու գորովաշատ, Էմին՝ հպարտ ու մի քիչ կամակոր, բայց միևնույն ժամանակ՝ փխրուն ու զգայուն: Իսկ Բեթը՝ լուռ ու բարի. նրա ներկայությունն իսկ խաղաղություն է բերում: Ընթերցողին տրվում է հնարավորություն ծանոթանալու Մարչ ընտանիքին, մասնակցելու քույրերի առօրյա արկածներին, ապրումակցելու նրանց ուրախություններին ու վշտին՝ կարծես դառնալով այդ ընտանիքի մի մասը: Ընտանեկան ջերմությամբ ու մարդասիրության շնչով տոգորված այս ստեղծագործությունը 2003 թվականին BBC-ի դասակարգմամբ զբաղեցրել է 18-րդ հորիզոնականը աշխարհի լավագույն 200 վեպերի շարքում