Սույն աշխատությունը կազմվել է 2008թ. ստեղծված և առանձին-առանձին հրատարակված «ԼՂՀ պաշտպանության բանակի պաշտպանական շրջանները ղարաբաղյան պատերազմի գլխավոր ռազմագործո-ղություններում» և «ԼՂՀ ՊԲ զորատեսակները, ծառայությունները և առանձին ստորաբաժանումները ղարաբաղյան պատերազմի գլխավոր ռազմագործողություններում» մենագրությունների հիման վրա։ Աշխատության մեջ ներկայացվում է Արցախյան պատերազմի համառոտ բովանդակությունը, նորաստեղծ հանրապետության զինված ուժերի պաշտպանական շրջանների (1-ին՝ Հադրութի, 2-րդ և 3-րդ՝ Մարտունու, 4-րդ՝ Ասկերանի, 5-րդ՝ Մարտակերտի, 6-րդ՝ Շահումյանի, 7-րդ՝ Շուշիի, 8-րդ՝ Ստեփանակերտի կամ Կենտրոնական), առանձին զորամասերի և հիմնական զորատեսակների (հրետանային, հակաօդային, հետախուզական, կապի, ինժեներական, սպառազինության, թիկունքային, ռազ-մաբժշկական) կազմավորման և Արցախյան պատերազմի (1991-1994թ.թ.) գլխավոր ռազմագործողություններում նրանց ունեցած մասնակցության պատմությունը։