Երեխաների վառ երևակայությունն ընդհանուր զարգացման կարևոր ցուցանիշ է։ Փայտե փազլ հավաքածուն ամբողջական փաթեթ է անվերջ երևակայելու ու նոր հմտություններ յուրացնելու համար․ գույներ, չափսեր, ձևեր․․․ մանր մոտորիկա, աչքի-ձեռքի կոորդինացիա․․․ Ներառում է երկու մետաղյա տուփ․ Մեծ տուփ՝ 36 փայտե կտորներ (տարբեր գույների, չափսի ու ձևի) Փոքր տուփ՝ 60 քարտ (կենդանիների, թռչունների ու տարբեր առարկաներ պատկերներով) Փայտի կտորները բարձրորակ հումքից են, մակերևույթն ու եզրերը՝ ողորկ ու անվտանգ։ Իսկ կտորների չափսերը հարմար են փոքրիկ ձեռքերով հեշտությամբ բռնելու համար։ Թեև հավաքածուն արդեն իսկ ներառում է 60 տարբեր պատկեր, երեխաներն ազատ են գործի դնել սեփական երևակայությունը և ստեղծել իրենց մտացածին պատկերներն ու նախշերը։ Ավելի փաքր տարիքի երեխաների հետ կարելի է տեսակավորել փազլի կտորներն ըստ գույների, ձևի ու չափսերի՝ խթանելով տարրական մաթեմատիկական ընկալումները։ Չմոռանանք ծնող-երեխա համատեղ ժամանցի մասին :) կտրվե՛ք գաջեթներից ու հեռախոսներից, վայելեք մտերմիկ ժամանցը․ փոքրիկ մրցաշար կազմակերպեք՝ ով ավելի արագ, կամ ով ավելի հետաքրքիր պատկեր կհավաքի։ Խաղացե՛ք ձեր երեխաների հետ և զարմանալիորեն կբացահայտեք նրանց երևակայությունը։