Ամփոփիչ տետրերը՝ Ա և Բ տարբերակներով, նախատեսված են «Մայրենի 4»-ի յուրաքանչյուր թեմայի ավարտին սովորողի առաջընթացը տեսնելու, ամրապնդելու և ներկայացնելու համար։ Տետրերում ներառված են ծրագրով նախատեսված բոլոր 6 թեմաները՝ ըստ դասագրքում տրված հաջորդականության:
Ինչո՞վ են առանձնահատուկ այս տետրերը.
Համապարփակ և արդյունքահեն գնահատում. Յուրաքանչյուր թեմայի համար տետրերը պարունակում են այնպիսի առաջադրանքներ, որոնք թույլ են տալիս ստուգելու չափորոշչով սահմանված վերջնարդյունքները:
Ինքնագնահատման հնարավորություն. Տետրերը պարունակում են աղյուսակներ և հարցեր, որոնք սովորողներին հնարավորություն են տալիս գնահատելու իրենց աշխատանքը՝ նպաստելով պատասխանատվության ձևավորմանը և սովորողին դարձնելով ուսումնական գործընթացի ակտիվ մասնակից։
Գործնական ուղեցույց. Առաջադրանքները մշակված են այնպես, որ սովորողները կարողանան արտահայտել սեփական կարծիքը, հիմնավորել իրենց պատասխանները և կիրառել քննադատական մտածողություն։
Հետադարձ կապ. Աշխատանքներն ավարտելուց հետո ուսուցիչը և սովորողը կարող են միասին լրացնել գնահատման աղյուսակը՝ հստակ պատկերացում կազմելով, թե որ վերջնարդյունքների դեպքում է սովորողը հաջողության հասել, և որոնց վրա դեռ պետք է աշխատել։
«Մայրենի 4» ամփոփիչ ստուգման տետրերը անփոխարինելի գործիք են ուսուցչի համար՝ ապահովելու արդյունավետ և թափանցիկ գնահատում։ Սա ոչ միայն ստուգման, այլև ուսումնական առաջընթացի գնահատման կարևոր միջոց է։
Order books and get fast delivery anywhere in the world.
For more information about the terms of delivery and payment methods, see here.
