Շոշանա Բուխոբզայի «Մանուշյան» պիեսը ներկայացնում է Միսաք Մանուշյանի ու նրա ընկերների քաջությունը, հավատը և անսասանությունը Դիմադրության շարժման տարիներին:
Պիեսի հերոսները, որ մասնակցում էին ֆաշիստական Գերմանիայի կողմից 1940-1944 թթ. Ֆրանսիայի բռնազավթման դեմ պայքարին, ենթարկվում են խոշտանգումների և բռնի հարցաքննվում: Գեղարվեստավավերագրական այս պիեսի հիմքում Փարիզի ոստիկանական պրեֆեկտուրայի և Կենտրոնական արխիվի նյութերն են:
Մանուշյանը՝ հայազգի պոետը, կարողանում է հարցաքննության ժամանակ արժանապատվորեն չընկրկել անմարդկային ճնշումներից: Այստեղ է, որ նա վստահորեն ասում է հայտնի խոսքը. «Դուք ժառանգել եք Ֆրանսիայի քաղաքացիությունը, իսկ մենք այն վաստակել ենք»: Այս բառերն արտահայտում են նրա և ընկերների դիմադրությունը, պայքարը և պատիվը՝ որպես Ֆրանսիայի իսկական քաղաքացիներ:
Անձնական շահերի և իշխանության համար ամեն ինչի պատրաստ ծախու ղեկավարների կողքին մեզ են ներկայանում ազա տության ու արդարության համար պայքարելու և զոհվելու պատրաստ հերոսները։
Պիեսը հանգում է առանցքային հարցին. բռնությունները կարո՞ղ են մարել անհատների ոգին, թե՞ այն համառ է և կհառնի ավելի զորեղ, քան երբևէ:
Միսաք Մանուշյանը և իրական, և՛ գաղափարական օրինակ է բոլորի համար՝ որպես ազատության և մարդու իրավունքների պաշտպանության ջահակիր:
Order books and get fast delivery anywhere in the world.
For more information about the terms of delivery and payment methods, see here.
