Գրքում մանրամասնորեն ներկայացված է արամեացիների և ասորիների պատմությունը, մշակույթն ու կրոնական կյանքը հնագույն ժամանակներից մինչև մեր օրերը: Հատուկ ուշադրություն է դարձված արամեերենի բացառիկ դերին որպես Հին Արևելքի ազգամիջյան հաղորդակցության և աշխարհիկ ու կրոնական գաղափարների արտահայտման գլխավոր միջոցի: Առանձին գլուխներ նվիրված են ասորիների միջնադարյան հարուստ բնագրային և թարգմանական գրականությանը, հոգևոր և նյութական մշակույթին, կրթական համակարգին, կրոնահարանվանական տրոհմանն ու քարոզչական գործունեությանը: Մանրամասնորեն ներկայացվում են ասորական մշակույթի նշանավոր գործիչների՝ Բարդայսանի, Եփրեմ Ասորու, Հակոբ Սերուղացու, Հակոբ Եդեսացու, Միքայել Ասորու, Գրիգոր բար Հեբրայոսի և այլոց կյանքն ու գրական ժառանգությունը: Առանձին գլուխներ նվիրված են ասորիների արդի հիմնախնդիրներին, ազգային ինքնության և ազգապահպանման հարցերին: Գիրքը պարունակում է բազմաթիվ պատկերներ, աղյուսակներ, քարտեզներ, առարկայական ցանկ: Հասցեագրված է բարձրագույն ուսումնական հաստատությունների արևելագիտական, պատմական, աստվածաբանական, բանասիրական ֆակուլտետների ուսանողներին:
Order books and get fast delivery anywhere in the world.
For more information about the terms of delivery and payment methods, see here.
