Ամեն տարի Պաշտպանակալվածքի բնակիչները մի մանուկ են զոհաբերում անտառի Վհուկին, որ իրենցից հեռու մնա և չվնասի Բայց արի ու տես՝ Էքսանը բարի ու մեծահոգի կախարդուհի է, որ ճահճահրեշի և պստլիկ մի վիշապի հետ ապրում է անտառի տնակում։ Նա մանուկներին անխուսափելի մահից փրկում, տանում է անտառի մյուս կողմը՝ որդեգրման, սիրառատ ընտանիքներում: Մի անգամ Էքսանը անզգուշորեն սովորական երեխային արտասովոր մոգական ուժով է օժտում և որոշում է ինքը մեծացնի նրան: Անունը դնում է Լուսին, պահում ու փայփայում է հարազատ զավակի պես: Մոտենում է երեխայի 13-րդ տարեդարձը, և մոգական ուժն անկանխատեսելի պոռթկումներով արթնանում է ճիշտ այն պահին, երբ Էքսանը պատրաստվում էր գնալ հերթական մանկան կյանքը փրկելու: Մի երիտասարդ չտեսնված-չլսված որոշում է կայացնում՝ սպանել Վհուկին և Պաշտպանակալվածքի որդեկորույս մայրերի տառապանքներին վերջ դնել: Հրաբուխն էլ, որ դարերով մրափում էր գետնի տակ, ամեն վայրկյան կարող է արթնանալ...