Յուրաքանչյուր մարդու կյանքը մի ճանապարհ է` ինքն իրեն ուղղված, ճանապարհի մի փորձ, մի թելի մատնանշում։ Յուրաքանչյուրն իր մեջ կրում եւ մինչեւ օրերի վախճանն իր հետ տանում է նախածին, վաղնջական անդրաշխարհից ժառանգած իր ծննդյան մնացորդները, լորձունքախորխն ու ձվակճեպը: Ոմանք երբեք մարդ չեն դառնում, մնում են գորտ, մնում են մողես, մնում են մրջյուն:
Ոմանք էլ վերեւում մարդ են, իսկ ներքեւում` ձուկ: Սակայն յուրաքանչյուրը բնության մի-մի նետվածքն է` մարդուս նախապատկերին նմանակող: Մեր բոլորիս ծնունդներն ընդհանուր են` մայրերը, մենք բոլորս ծագում ենք միեւնույն անդնդախոր երախից, սակայն յուրաքանչյուրս խորխորատներից սերած փորձն ու նետվածքը ձգտում է դեպի իր սեփական նպատակները: Մենք կարող ենք իրար հասկանալ, սակայն մեկնել, ցուցանել յուրաքանչյուրս կարող ենք միայն ինքներս մեզ:
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
