Գրքում ներկայացվում են Բայրոնի և Մխիթարյանների առնչությունները, նրանց գիտական համագործակցությունը, ինչպես նաև բայրոնիզմի դրսևորումը հայ գրականության մեջ: Հանգամանորեն քննվում են Բայրոնի հայագիտական ուսումնասիրություններին, նրա և Մխիթարյանների առնչություններին վերաբերող օտարազգի հեղինակների նյութերը: Հավելվածներում բերվում են հատվածներ Բայրոնի նամակներից, Թոմաս Մուրի «Լորդ Բայրոնի կյանքը, նամակները և օրագրերը» գրքից, «Հայերեն-անգլերեն քերականության» ձեռնարկի համար Բայրոնի գրած առաջաբանը և հայերենից կատարած նրա թարգմանությունները: