«Արցունքներ դրախտում» Գիրքը դաղստանցի հեղինակ Գամիդ Ամիրովի տպավորիչ պատմությունն է 44-օրյա պատերազմի մասին: Մարդիկ ապրում են ամենօրյա կյանքով, ուշադրություն չդարձնելով բազմաթիվ կարևոր իրողությունների վրա: Բայց պատերազմը ամբողջովին փոխում է գլխավոր հերոսի կյանքը: Քաջությունն ու ազգային ինքնագիտակցումը գլուխ են բարձրացնում հենց այն պահին, երբ նա հայտնվում է կռվի դաշտում։ Այս գիրքը նվիրվում է այն տղաների հիշատակին, որոնք իրենց կյանքը զոհաբերեցին 2020 թվականի պատերազմում։ Գրքում ներկայացված զոհվածների անունների ցանկը ամբողջական չէ, այլ լոկ մի մասն է, որ կարողացել եմ գտնել: Այստեղ հիշատակվող յուրաքանչյուր անուն այն Մարդն է, որը կարող էր ապրել, դաստիարակել իր երեխաներին ու թոռներին, սերունդներ թողնել իր ետևից: Այդ պատերազմում զոհվածների ոգու ուժը, հավատն ու արիությունը պատմության մեջ հավերժ կմնան որպես հայ ժողովրդի մեծության վկայություններ։ Նրանք մահացան հանուն իրենց հարազատների, իրենց հողի և իրենց տան: Ոչինչ չհարցնելով, ոչնչից չվախենալով և ետ չնահանջելով այս տղաները ոտքի կանգնեցին և նետվեցին մարտի։ Նրանք հերոսներ են: Բոլորը։ եվ նրանց անունները կհիշենք հավետ: Անցած պատերազմը հայոց պատմության ևս մեկ արյունոտ էջն է, որում գրվեցին այսօրվա սերնդի անմահների անունները:
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
