Այս հրատարակությունը՝ կազմված արխիվային հարուստ նյութերի հիման վրա, հնարավորություն է ընձեռում ծանոթանալու Կարեն Դեմիրճյանի գործունեությանը, լսելու նրան մտավորականության տարբեր շերտերի հետ ունեցած հանդիպումներում ու շփումներում։ Գրքի ընթերցումը մարդուն ակամա տանում է այնպիսի միջավայր, ուր անկեղծ քննարկումների մթնոլորտում հնչում է պետության բանիմաց ու սրտացավ ղեկավարի ձայնը։ Այդ ձայնը ժամանակի ղողանջն է, որն ազդարարում է դարաշրջանի իղձերն ու էությունը։
Գիրքն ունի ճանաչողական նշանակոթւյուն, որի ընթերցումը լավ առիթ է մեկ անգամ ևս բացահայտելու Կարեն Դեմիրճյանին, ով իր մարդկային որակներով ոչ միայնհաստատուն մնաց հարափոփոխ ժամանակների թոհուբոհում, այլև, որպես երկրի ղեկավար, իր հանդեպ հանրության տածած հավատի ու ահռելի վստահության շնորհիվ արժանացավ սիրով ու ջերմությամբ պարուրված երկարատև ու կայուն վերաբերմունքի՝ այդ չափանիշով երկրի քաղաքական վերնախավում մնալով չգերազանցված թե՛ իր կառավարման և թե՛ իրենից հետո եկած տասնամյակներում։
Գիրքը օգտակար է ոչ միայն հասարակագետների, քաղաքականությամբ զբաղվողների, այլև անցյալ ժամանակի շունչը զգալու ցանկություն ունեցող տարբեր տարիքի մարդկանց համար։
Պատվիրի՛ր գրքեր և ստացիր արագ առաքում աշխարհի ցանկացած կետում:
Ավելի մանրամասն առաքման պայմանների և վճարման տարբերակների մասին տե՛ս այստեղ:
