Ուզում եմ երկու բառով բացատրեմ՝ ոնց ծնվեց «Երևան /Նյու Յորք» վերնագիրը։ Էս գրքում կան բանաստեղծություններ, որոնցում Նյու Յորքը ուղղակի ա հիշատակված՝ «Խաչատուրը Բրուքլինում», «Ես ու թագուհին Քվինսի փողոցներում»։ Կան նաև տեքստեր, որոնցում քաղաքի անունը չի նշված, բայց ես դրանք գրել եմ մտքումս Նյու Յորքն ունենալով։ Եվ իհարկե, կան տեքստեր, որոնցում դարձյալ քաղաքի անունը չի նշված, և քաղաքը Երևանն ա։ Գիրքը կազմելիս ուզում էի բանաստեղծությունները նենց դասավորեմ, որ նյույորքյանները իրար կողք հավաքվեն, երևանյանները՝ իրար կողք։ Ու հանկարծ նկատեցի, որ էդ երկու խմբի տեքստերը իրար ավելի շատ նման են, քան տարբեր։ Դրանք բոլորը սպասումի մասին են։ Սպասումի, որ շուտով ինչ-որ կարևոր բան ա պատահելու, որից հետո ամեն ինչ կփոխվի։ Հիմա, երբ գրում եմ էս տողերը, Երևանում 2018-ի հեղափոխությունն արդեն պատահել ա։ Էդ հեղափոխությունը ես հասկանում եմ որպես մի տեղաշարժ, որից հետո հայաստանցիներիս խնդիրները մի հարկ վեր են բարձրացել, նույն հարթության վրա են հայտնվել աշխարհի խնդիրների հետ։ Իսկ աշխարհի կենտրոնը էսօր Նյու Յորքն ա։ Դրա համար էլ՝ ԵՐԵՎԱՆ ՆՅՈՒՅՈՐՔ:
Order books and get fast delivery anywhere in the world.
For more information about the terms of delivery and payment methods, see here.
