Ալեքսանդր Թոփչյանի «Չարիքի զվակները» ժողովածուն ժանրային և արտչահայտաձևերի մի հարուստ բազմազանություն է մատուցում ընթերցողին՝ մոնոդրամաներ, որոնք կարող են գրական բավարար հիմք դառնալ մենաներկայացումների համար, սատիրական և այլաբանական պատմվածքներ , բարդ հոգեբանական վիպակներ, արդիական հեքիաթներ և, վերջապես, համաշխարհային գրականության հանրահայտ սյուժեների նորօրյա մշակում, ծանոթ կերպարների յուրատեսակ և համարձակ արդիականացում։ Անցյալի խորքերից բերված կերպարներն անսպասելիորեն հայտնվում են այսօրվա հրատապ խնդիրների էպիկենտրոնում, անցումը կատարվում է կտրուկ, բայց այնքան բնական, որ մեզ բնավ չի զարմացնում, երբ նրանք սկսում են խոսել մեզ հուզող հարցերի մասին, ասես մեր ժամանակակիցները լինեն։ Մնում է ավելացնել, որ ներկայացվող գործերն ընթերցվում են լարված հետաքրքրությամբ։ Եվ գուցե չափազանցություն չի լինի, եթե ասենք, որ գրքում յուրաքանչյուր գործը անդրադարձ է մեր հասարակության մի շարք խնդիրներին։
Order books and get fast delivery anywhere in the world.
For more information about the terms of delivery and payment methods, see here.
.jpg)
